प्रसवको क्रममा बच्चाको खुट्टा जोडले तानेपछि बच्चा दुई टुक्रा

भारतको जेसलमेरको रामगढस्थिती सरकारी अस्पतालका चिकित्सकले प्रसवको क्रममा बच्चाको खुट्टा जोडले तानेपछि बच्चा दुई टुक्रा भएरबच्चाको कुमसम्मको भाग बाहिर आयो तर टाउको भित्रै अड्किएको हो । चिकित्सकले परिवारका सदस्यलाई केही नभनी महिलालाई जेसलमेर रिफर गरिदियो । जेसलमेरबाट जोधपुर पठाउदा यो घटनाबारे पर्दाफास भएको हो ।

तीन दिनअघि दीक्षा कंवरलाई प्रसव पीडा भएपछि उनका परिवारका सदस्यले रामगढ अस्पताल लगे । त्यहाँ भर्ना गरेपछि चिकित्सकले बिरामीलाई जेसलमेर लैजान आग्रह गरे । तर परिवारका सदस्यलाई प्रसवको क्रममा बच्चाको टाउको भित्रै अड्किएको भन्ने जानकारी दिइएन ।

रामगढ अस्पतालका चिकित्सा प्रभारी डा। निखिल शर्माले यसबारे स्पष्टिकरण दिँदै भने, ‘जब सुत्केरीलाई अस्पताल पुर्याइयो तब यहाँका चिकित्सकले उनलाई प्रसव कक्षमा पुर्याए । त्यहाँ उनीहरुले बच्चाको खुट्टा बाहिर आइरहेको र उसको मृत्यु भइसकेको थाहा पाए । हाम्रो अस्पताल सुविधासम्पन्न नभएकाले सुत्केरीलाई जेसलमेर रिफर गरिएको हो ।’