सलमानले प्रियंकाको हिम्मतको तारिफ गरे

मुम्बइ। सलमान खानको फिल्म भारत ५ जूनमा रिलिज हुँदैछ । यो फिल्मकी मुख्य पात्र कुमुदको भूमिका कट्रिना कैफले निभाएकी छिन् । पहिले यो रोलको लागि सलमानको पहिलो रोजाइ प्रियंका चोपडा भएको बताइएको थियो । तर, अब सलमानले आफैं खुलासा गरेका छन् कि यो भूमिकाको लागि प्रियंका आफैंले उनलाई भनेकी थिइन् ।

एक पत्रकार सम्मेलनमा सलमानले भनेका थिए कि प्रियंकाले यो भूमिकाको लागि निकै रुचि देखाएकी थियन् । प्रियंका २० दिनको लागि भारतमा थिइन् । उनले अलीलाई यो फिल्मको लागि फोन पनि गरेकी थिइन् । तर, अचानक निक आए त्यसपछि उनीहरुले बिहेको योजना बनाए ।

सलमानले भने ‘प्रियंकाले मलाई भनेकी थिइन् कि निकले उनलाई विवाहको लागि प्रपोज गरेका छन् । मैले पनि उनलाई केही दिन समय मिलाउने भन्दै बिहे गर्न भनें । तर, पछि उनले फिल्मबाट अलग हुने फैसला गरिन् । प्रियंका निकै परिश्रमी अभिनेत्री हुन् । बिहेको लागि आफ्नो करिअरको ठूलो फिल्म छोड्न ठूलै हिम्मत चाहिन्छ जुन उनीमा छ ।’