जान्ह्वी कपुरले छोटो कपडा लगाउँदा कैटरिना चिन्तित!

मुम्बई। श्रीदेवीकी छोरी जाह्नवी कपुरले छोटो कपड लगाएर जिम गरेके भन्दै बलिउड अभिनेत्री कैटरिना कैफले चिन्ता जनाएकी छन्। भारतीय संचारमाध्यमका अनुसार जान्हवी कपुरलाई आफूले छोटो कपडा लगाएर जिम गरेको देख्दा चिन्ता लागेको बताएकी हुन्।

कैटरिना केही दिन अगाडि नेहा धुपियाको च्याट शो बीएफएफ विथ वोगमा गएकी थिइन्। कैटरिना उक्त शोमा सेलिब्रिटीको रुपमा पुगेकी थिइन्। नेहाले कैटरिनालाई यस्तो कलाकारको नाम सोधेकी थिइन् जो जिम गर्दा हद पार गर्छन्।

जवाफमा कैटरिनाले भनिन्, ‘अरु कोही होइन, मलाइ जान्ह्वी कपुरलाई छोटो कपडामा देख्दा चिन्ता लाग्छ। उनी मेरो जिममा आउँछिन्। त्यही भएर हामी सँगै वर्कआउट गर्छौं। कहिले काँही मलाइ उनको बारेमा चिन्ता लाग्छ।’

केही दिन पहिला कैटरिना कैफको एक भिडियो सामाजिक संजालमा सार्वजनिक भएको थियो। उक्त भिडियोमा कैटरिनालाइ नेहाले तपाइँलाई अन्तिम पटक कसले सेक्सी फिल गराएको थियो भनेर सोधेकी थिइन्। जवाफमा कैटरिनाले भनेकी छन्–गए राति।’ भिडियोमा कैटरिना आफ्नी नजिककी साथी डिजाइनर अनाइता श्राफसँग देखिएकी छन्। कैटरिना यतिबेला फिल्म भारतको प्रमोशनमा व्यस्त छन्। यो फिल्म ५ जुनमा रिलीज हुँदैछ।