३३ बर्षकी पुगिन् नम्रता : बाल्यकाल र टिनेजमा कस्ती थिइन् ?

काठमाडौ । नायिका नम्रता श्रेष्ठ जेठ ३१ गते बाट ३३ वर्ष पुगेकी छिन् । उनले उनले गएको हप्ता आफ्नै एटिक रेष्टुरेन्टमा ‘जाइरा’ फिल्म टिमसँग आफ्नो जन्मदिन मनाइन् । नम्रताको मुख्य भूमिका रहेको जाइरा भदौ ६ गतेदेखि प्रदर्शन हुँदैछ ।

जन्मदिन मनाउँदै गर्दा आफुले कहिलै उमेर नलुकाएको नम्रताले बताइन् । उनले भनिन, ‘मैंले कहिल्यै पनि आफ्नो उमेर लुकाउने गरेको छैन । म आज देखि ३३ वर्ष पुगें ।’ उनको जन्मदिनमा जाइरा टिमबाट कलाकारहरु अनुपविक्रम शाही, सृजना रेग्मी, रेमनदास श्रेष्ठ, प्रमोद अग्रहरी, निर्देशक आशुतोष श्रेष्ठ, निर्माता प्रशन्न गोपाली लगायत उपस्थित थिए ।

नम्रताले जाइरा को लागि मार्सल आर्ट पनि सिकेकी छिन् । नम्रतालाई शान्त स्वभावको नायिकाको रुपमा चिनिन्छ, तर उनले आफु सानोमा झगडालु स्वभावको भएको बताइन् । उनले भनिन्, ‘म सानोमा झगडालु स्वभावकै थिएँ । तर जति ठूलो हुँदै गए झगडा नगर्ने खाल्को भएँ । जाइराले त्यो शक्ति फर्काउँन प्रोत्साहन गर्यो । अहिले सशक्त भएको महसुस भइरहेको छ ।’ उनले किशोर अवस्थामा अति नै जिज्ञासु भएको सुनाईन् ।