यीनी हुन् ‘प्रेम गीत ३’ मा प्रदिपकी हिरोइन, हेुर्नहोस् क्रिस्टिनासँगको पहिलो अन्तर्वार्ता

काठमाडौं । बहुप्रतिक्षित चलचित्र ‘प्रेमगीत ३‘ को ‘गीत’को भूमिका लागि अभिनेत्रीको छनोट कार्य समाप्त भएको छ । आइतबार ‘गीत’को भूमिकाका लागि निर्माण टिमले क्रिस्टिना गुरुङ खड्कालाई अनुबन्धित गरेको हो । क्रिस्टिना अमेरिकामा बस्दै आएकी छिन् ।उनी चलचित्रको अडिसनका लागि नेपाल आएकी थिइन् । निर्माण टिमले यस चलचित्रको ‘गीत’को भूमिकाका लागि अडिसन आह्वान गरेको थियो । जसमा २७ सय भन्दा बढीले आवेदन दिएका थिए ।

निर्माण टिमले अडिसनबाट उत्कृष्ट २५ छनोट गर्दै आइतबार ‘गीत’ क्यारेक्टरका लागि क्रिस्टिनालाई फाइनल घोषणा गरेको हो । केही म्यूजिक भिडियोमा अभिनयसमेत गरिसकेकी उनी अमेरिकाको बाल्टिमोर युनिभर्सिटीमा आइटी बिषयमा स्नातक पढ्दैछिन् ।यस चलचित्रलाई छेतेन गुरुङ र निर्मातासमेत रहेका सन्तोष सेनले निर्देशन गर्दैछन् । चलचित्रमा कथासमेत निर्देशकद्वयको नै रहेको छ । चलचित्रमा प्रदिप र क्रिस्टिनासँगै शिव श्रेष्ठ, मनिष राउत, सुनिल थापा, अनुभव रेग्मीलगायतका कलाकारहरुको अभिनय रहनेछ । चलचित्र चैत २८ मा रिलिज हुनेछ । यस अघि यस चलचित्रका दुईवटा सिक्वेल हिट भैसकेका छन् ।हेर्नुहोस् उनी सेलेक्ट भएपछिको पहिलोे अन्तर्वार्ता