खबरदार ! बोका(केटा)हरुलाई साथ दिएर उनीहरुको मनोबल बढाउने काम नगरौ : गायिका ढकाल

काठमाडौं । पछिल्ला दिनहरुमा सामाजिक विषयमा आफ्ना धारणाहरु राख्दै आएकी गायिका मीना ढकालले केटाहरुलाई बोकाको संज्ञा दिएकी छिन् । अहिले चर्चामा रहेको चलचित्र निर्माता छविराज ओझा र अभिनेत्री शिल्पा पोखरेलको विषयलाई केन्द्रमा राखेर उनले यस्तो बताएकी हुन् । आज सामाजिक सञ्जाल फेसबुकमा उनले लेखिन, ‘प्रसङ एक झटारो अनेक’ खबरदार ! बोका हरुलाई सल्बलाउन उनी हरुलाइ साथ दिएर त्यस्ताको मनोबल बढाउने काम नगरौ ! नारी तपाईं हाम्रै आमा छोरी चेली हुन !’ अहिले सामाजिक सञ्जालमा ओझा पक्षधरले शिल्पाको आलोचना गर्दै सम्पतीका लागि यस्तो षडयन्त्र गरेको आरोप लगाइरहेका छन् ।

अर्को तिर स्वंयम छविले पनि परिवारमा झै–झगडा भएको कुरा स्विकार गरेका छन् । उनीहरु अहिले मेलमिलापतर्फ लागेको बताइएको छ । ओझाले आफुले कुनै हालतमा डिर्भोस नदिने बताउँदै आएका छन् । ढकालले यसै घटनासँग सम्बन्धीत अर्को कुरा पनि व्यक्त गरेकी छिन् । यस्तो छ उनको अर्को स्टाटस, ‘बौद्धिक, असल व्यक्तिको खोल ओढेकाहरुले, नारीमाथि कुट्पिट लगायत शाररीक र मानसिक यातना लगायतका घरेलु हिंसा गर्ने नंपुसक बोकाहरुलाई सामाजिक बहिस्कार गर्नु पर्ने हाम्रो समाज ! अफसोच त्यस्तै कुकुरलाई देवता मानी जय–जयकार गर्दा अति नै पिडा हुन्छ ! त्यस्तै खालका घरेलु हिंसा तिम्रा छोरी चेली आमा माथी भयो भने के गर्छौ ???’