पत्रकारसँग विवाद गर्नु कंगनालाई भारी पर्यो, मिडियाले दिए यस्तो सजाय

मुम्बइ। केही दिनअघि एक जना पत्रकारसँग आफ्नो बारेमा नराम्रो लेखेको भन्दै विवाद गरेकी बलिउड अभिनेत्री कंगना रनोटलाई यो विवाद भारी परेको छ । विवादपछि एकता कपुरले मिडियासँग माफी मागेकी थिइन् तर कंगनाले कुनै हालतमा माफी नमाग्ने अडान लिइन् । यही अडानका कारण कंगनालाई आपत पर्यो ।

शनिबार राती मुम्बइमा कंगनाको आगामी फिल्म ‘जजमेंटल है क्या’को एउटा ठूलो कार्यक्रम आयोजना गरिएको थियो । यो कार्यक्रममा कंगना र एकता कपूर दुवै उपस्थित थिए । कार्यक्रमका लागि सबै मिडियालाई बोलाइएको थियो । तर, कंगनाको अडानका कारण मिडियाले कंगनालाई बहिष्कार गर्ने निर्णय गरेकोले त्यहाँ मिडिया नै पुगेनन् । अन्ततः कुनै पनि मिडिया नआएपछि कंगनाले कार्यक्रम नै रद्द गर्नुपर्यो । मिडिया नपुगेपछि कार्यक्रम रद्द गरियो तर कार्यक्रम रद्द गर्दा कंगना बिरामी भएको बहाना बनाइयो ।