कुवेतस्थित नेपाली दूतावासमा नयाँ द्वितीय सचिवको कार्यभार प्रारम्भ

कुवेत – परराष्ट्र मन्त्रालयबाट सरुवा भई कुवेतस्थित नेपाली दूतावासमा शिव बानियाले द्वितीय सचिवको रुपमा कार्यभार ग्रहण गरेका छन्।

दूतावासमा केही समयदेखि द्वितीय सचिवको पद खाली रहेकामा हालै मात्र बानियाको आगमनसँगै सेवा अझ प्रभावकारी, चुस्त–दुरुस्त र परिणाममुखी हुने अपेक्षा गरिएको छ।

करीब १६ महिना परराष्ट्र मन्त्रालयमै सेवा गरेका अनुभवसहित बानिया १० दिन अघि कुवेत आइपुगेका हुन्। हालैदेखि उनले यहाँ औपचारिक रुपमा सेवा प्रारम्भ गरेका छन्।

दूतावासमा सेवा विस्तार र नेपाली समुदायलाई सहज सुविधा उपलब्ध गराउन बानियाको योगदान महत्वपूर्ण हुने विश्वास गरिएको छ।