सौतेली आमाकै योजनामा दाजुबाट बलात्कारपछि हत्या

भारत,  भदौ । सौतेली आमाले आफ्नै छोरा र उनका दुई साथीहरुलाई बलात्कार गर्न लगाएर नौ वर्षीया छोरीको हत्या गरेका छन् । भारत प्रशासित काश्मिरमा सौतेनी आमाले आफ्नै १४ वर्षीय छोरा र १४ र १९ वर्षका छोराका दुई साथीहरुलाई बोलाएर बालिकालाई सामूहिक बलात्कारपछि हत्या गरेरका हुन् । हत्यापछि बालिकाको शव घरबाट करिब एक किलोमिटर टाढाको जंगलमा लगेर गाडेको अवस्थामा प्रहरीले फेला पारेको हो ।

बालिका बेपत्ता भएको १२ दिनपछि बाबुले प्रहरीमा उजुरी गरेपछि प्रहरीले बालिकाको खोजी कार्य सुरु गरेको थियो । हत्यामा बालिकाकी सौतेली आमाको हात रहेको अनुसन्धानमा खुलेको छ । प्रहरीले सौतेली आमासहित उनका एक छोरा र छोराका अन्य साथीहरुलाई समेत पक्राउ गरेको छ ।

बालिका २४ अगष्टदेखि बेपत्ता थिइन् । तर घटनाहुने दिन बालिकाकै आमाले उनलार्ई जङ्गलतर्फ लगेको देखेको गाउँलेले देखेको बताएका थिए । ३६ वर्षीया सौतेली आमाले नै बञ्चरोले टाउकोमा हानेर बालिकाको हत्या गर्न लगाएको प्रहरीसमक्ष स्वीकारेको प्रहरीले जनाएको छ । हत्यामा २८ वर्षीय स्थानीयको पनि हात रहेको अनुमान गरिएको छ । उसलाई पनि प्रहरीले नियन्त्रणमा लिएर अनुसन्धान गरिरहेको बताएको छ । महिलासँगै अरु तीन जनाले नै बलात्कार र हत्यामा आफूहरु संलग्न रहेको स्वीकार गरेका छन् ।