जाजरकोट पहिरोमा ज्यान गुमाउनेको संख्या ४ पुग्यो

काठमाडौं । जाजरकोट भेरी नगरपालिका–३ ठाँटीबजारमा गएको पहिरोले पुरिएर ४ जनाको ज्यान गएको छ । ज्यान जानेमा एक जना बालिका पनि रहेकी छन् । “अहिलेसम्म एक बालिकासहित ४ जनाको शव भेटिएको छ,” जाजरकोट जिल्लाका सहायक प्रमुख जिल्ला अधिकारी कृष्णप्रसाद खतिवडाले भने, “तीनवटा घर पुरिए पनि विहानको समय भएकाले घरमा कति व्यक्ति थिए भन्ने यकिन छैन ।”

मृतकको सनाखत हुन सकेको छैन । सेना, प्रहरी, सशस्त्र प्रहरीको टोलीले उद्धारकार्य जारी राखेकाे बताउँदै खतिवडाले भने, “कम्तिमा ७/८ जना घरभित्रै रहेको स्थानीयले अनुमान गरेका छन् ।” सदमुकामदेखी पानी नाउँला जाने सडकमा आइतबार बिहान पहिरो जाँदा तीन घर पुरिएका हुन् ।