पत्नीको मृत्यपछि एक्लै बस्थे वृद्ध, पत्नीको ५० वर्ष पुरानो चिठी भेटिएपछि बदलियो जिन्दगी

एजेन्सी। अमेरिकामा ८१ वर्षका एक वृद्ध पत्नीको मृत्युपछि एक्लै बसिरहेका थिए । एक दिन सफाइको क्रममा उनले आफ्नी स्वर्गीय पत्नीको ५० वर्ष पुरानो चिठी भेट्टाए । यो चिठीले वर्षौं पुरानो रहस्य खोलिदियो । अहिले ती वृद्धको जिन्दगीले नयाँ मोड लिएको छ । अमेरिकाको मिशिगनका ८१ वर्षका टोनी त्रपनी एक दिन आफ्नो क्याबिनेटको सफाइ गर्दै थिए  । सफाइको क्रममा उनले पत्नीको ५० वर्ष पुरानो चिठी भेटे । चिठीमा ५० वर्ष पुरानो रहस्य थियो । पत्नीले चिठीमा लेखेकी थिइन् कि उनीहरुको एक छोरा छन् जसको उमेर अहिले (चिठी लेख्ने समयमा) ५ वर्षको छ । यो कुरा उनलाई तब थाहा भयो जब जिन्दगभिर उनीहरु बच्चाको लागि संघर्ष गर्दै रहे । चिठीको आधारमा टोलीले पेन्सलभेनियामा बस्ने आफ्नो छोरालाई खोजे । त्यसपछि पहिलो पटक टोलीको छोरा साम्युअलसँग भेट भयो । सामुएल्सको उमेर ६१ वर्ष भइसकेको थियो । भेटपछि टोनीले भने मलाई थाहा छैन यो कुरा मेरी पत्नीले किन मसँग लुकाएर राखिन् । तर आज पनि मलाई मेरो छोराको बारेमा थाहा पाउँदा उत्तिकै खुसी लागेको छ ।

टोनी र सामुएल्सले आफूहरु बाबुछोरा भएको थाहा पाएपछि सँगै बस्न थाले । उनीहरुले पेटर्निटी टेष्ट गराउने बारेमा पनि सोचे ताकि यो खबर कत्तिको सत्य छ भन्ने थाहा होस् । एक महिनापछि दुवै पेटर्निटी टेष्टको लागि गए जहाँ रिपोर्टले उनीहरुलाई निराश बनायो । रिपोर्ट नेगेटिभ आयो । तर, नतिजा देखेपछि पनि उनीहरुले आफूहरुको भर्खर जोडिएको सम्बन्ध नतोड्ने र बाबुछोरा बनेरै रहने निर्णय गरेका छन् ।