विदेशमा कमाएको पैसा श्रीमानले अर्कै लिएर भागेपछि श्रीमतीको बिजोग

मनोज थापा-

कुवेत- पाँच वर्ष वैदेशिक रोजगारीमा गएर कमाएको पैसा र घरमा रहेका गरगहना सहित श्रीमानले अर्कै लिएर भागेपछि रामेछापकी बेल माया कार्कीको अहिले बिजोग भएको छ ।

कुवेतमा पाँच वर्ष दुःख गरेर कमाएको १४ लाख रुपैयाँ र घरभित्र रहेका सबै गरगहना लिएर काजी बहादुर कार्की अर्कै श्रीमती लिएर भागे पछी बेल माया बिजोकमा परेकी हुन् ।

पीडित बेल माया कार्की 

९ बर्षिय छोराको बाबु रहेका काजी,बेल माया कुवेतबाट नफर्किदै ६ महिना देखी अर्कै श्रीमती लिएर भागेका हुन् । आफुले कमाएको पाँच बर्षको कमाई सबै श्रीमान लाई पठाई दिएको बेल मायाले बताईन  । बिहे गरेको ११ बर्ष पछी श्रीमानले अर्कै लिएर हिडे पछी अहिले उनी निकै चिन्तित छिन् । कुवेत आउंदा श्रीमानको सल्लाह अनुसार आएको र २ बर्ष पहिले मात्र नेपाल बाट छुट्टी मनाएर फर्केको बताईन । 

पीडित बेल मायाको श्रीमान काजी बहादुर कार्की 

उनी अहिले न्याएको खोजीमा छिन् । उनी दुखेसो पोख्दै भन्छिन कस्लाई भनु ? कहाँ उजुरी गरौँ ? नेपाल जाउँ भने घरमालिकले जान दिदैन । यतिका वर्ष सम्म कमाएको पैसो सबै लगेर अर्कै श्रीमती लिएर हिडे पछी म समस्यामा परेको छु  । श्रीमानले अर्कै बिहे गरेको कुरा घर परिवार बाट जानकारी नदिएकोमा घरका परिवार सबैको मिलोमतो भयको उनी आरोप लगाउ छिन् ।