प्रधानमन्त्रीद्वारा नेपालमा लगानी गर्न अन्तर्राष्ट्रिय समुदायलाई आग्रह

काठमाडौं, १० असोज । प्रधानमन्त्री केपी शर्मा ओलीले नेपालमा विकासका लागि लगानी गर्न अन्तर्राष्ट्रिय समुदायलाई आग्रह गरेका छन् ।न्युयोर्कमा एशिया सोसाइटीले गरेको अन्तक्रियामा प्रधानमन्त्री ओलीले नेपालको जलविद्युत्, पर्यटन, कृषि लगायत क्षेत्रमा उच्च सम्भावना रहेको भन्दै लगानीका लागि आग्रह गरे । नेपाललाई सम्बृद्ध बनाउन आफूहरु अभियान नै लिएर अगाडि बढिरहेको उनले बताए ।

प्रधानमन्त्री ओलीले भारतले गरेको नाकाबन्दीपछि नेपाली जनताले पाएको दुःखको स्मरणसमेत गरेका थिए । प्रधानमन्त्री ओलीले भूकम्पले क्षतिग्रस्त संरचनाको पुनर्निर्माणका लागि अन्तर्राष्ट्रिय समुदायबाट प्राप्त सहयोगका लागि धन्यवाद समेत दिए । अष्ट्रेलियाका प्रधानमन्त्रीको अध्यक्षतामा एशिया सोसाइटीको अन्तक्रिया भएको थियो । प्रधानमन्त्री ओली संयुक्त राष्ट्रसंघको ७३औं महासभामा भाग लिन त्यता गएका हुन् ।