विदेशबाट आउनेलाई विमानस्थलबाटै ‘निःशुल्क बस सेवा’ सुरु

काठमाडौं | सिटी एक्सप्रेस मनी ट्रान्सफरले दशैंलाई लक्षित गरी ७ दिने निशुल्क बस सेवा सुरु गरेको छ । उक्त निशुल्क सेवा हिजो बुधबारदेखि सुरु भएर असोज २३ गते सम्मको लागि हुनेछ । निशुल्क बस सेवाको रुट त्रिभुवन अन्तर्राष्ट्रिय विमानस्थलबाट सुरु भई रिङरोड परिक्रमा गर्नेछ ।

‘निःशुल्क बस सेवा’ वैदेशिक रोजगारीका लागि विदेशिने नेपाली दाजुभाई तथा दिदीबहिनीहरुलाई लक्षित गरी दशैं मनाउन विभिन्न देशहरुबाट स्वदेश फर्किने यात्रुहरुलाई सहयोग पुगोस भन्ने भावना सहित सो सेवा सुरु गरिएको हो ।

बुधबार बस सेवा उद्घाटन कार्यक्रममा कम्पनिका प्रबन्ध निर्देशक चन्द्र टन्डन, कम्पनिका ब्राण्ड एम्वेस्डर सिताराम कट्टेल (धुर्मुस) र नेपाल आइडल सिजन २ का ११ जना टप फाइनलिस्ट हरुले संयुक्त रुपमा रिबन काटि यो सेवा सुरु गरेका छन् ।