डाक्टरको गल्तीले छोरालाई छोरीझैं पाले, वास्तविकता खुल्दा भइसकेको थियो सबथोक बर्बाद

एजेन्सी। क्यानडाका एक दम्बतीले जुम्ल्याहा सन्तान जन्माए । दुवै छोरा थिए । जन्मिनेबित्तिकै बच्चाहरुको एक अपरेशन गर्नुर्पे भयो । डाक्टरले अपरेशन गरे तर यस क्रममा उक बच्चाको गुप्तांग क्षतिग्रस्त भयो । यसलाई पुनः ठिक गर्न सम्भव थिएन । अतः डाक्टरले परिवारलाई सल्लाह दिए कि यो बच्चाको लिंग परिवर्तन गरेर छोरी बनाउने । परिवारले सहमति जनाए र बच्चाको लिंग परिवर्तनको लागि अपरेशन गरियो । तर यो अपरेशन आधा मात्र सफल भयो ।

जुम्ल्याहामध्ये अपरेशन गरेर छोरी बनाइएका ब्रुस नामका ती बालकको अपरेशन त्यतिबेला डाक्टरको लागि पनि परीक्षण नै थियो । अपरेशनपछि उनलाई ब्रेन्डा नाम दिइयो । उनलाई ठूलो हुँदासम्म उनको वास्तविक पहिचान बताइएन । सुरुमा यो परीक्षण सफल भएजस्तो देखियो । ब्रेन्डाको महिनावारी पनि हुन थाल्यो । तर उनको शारीरिक बनावट भने पुरुषको जस्तो भयो । यही कारण उनी अन्य युवतीभन्दा फरक देखिन्थिन् र उनका कोही साथी बन्न चाहँदैनथे ।

डाक्टरले बुझिसकेका थिए कि समस्या अझै बढ्न सक्छ । डाक्टरहरुले नियमित अन्तरालमा उनको अपरेशन गरेर उनलाई पूर्ण युवती बनाउने प्रयास गरिरहेका थिए । डाक्टरले पुनः अर्को सर्जरी गर्ने भनेपछि ब्रेण्डाका अभिभावकले बाध्य भएर उनको वास्तविकता बताउनुपर्यो  ब्रेण्डा आफनो वास्तविकता जानेर दुःखी थिइन् । उनले हार्मोन थेरापीको अपरेशनका लागि जानुभन्दा अगाडि आफ्नो नाम फेरेर डेभिड राखिन् । अपरेशन गरियो तर उनको मनमा निकै दुःख थियो । यही कारण उनी डिप्रेसनको शिकार भइन् । अन्ततः डिप्रेसनको मात्र बढ्दै जाँदा १३ वर्षको उमेरमा उनले आत्महत्या गरिन् । उनको जुम्ल्याहा भाइले पनि यो पीडा सहन सकेनन् र उनी ड्रग्सको लतमा पूरै डुबे ।