भारतीय कम्युनिष्ट पार्टीका महासचिव सीताराम यचुरी काठमाडौंमा

काठमाडौं । भारतीय कम्युनिष्ट पार्टी (भाकपा) का महासचिव सीताराम यचुरी र केन्द्रीय सदस्य जोगेन्द्र शर्मा बिहीबार नेपाल आइपुगेका छन् । नेपाल कम्युनिष्ट पार्टीको निमन्त्रणामा महासचिव यचुरी बिहीबार काठमाडौँ आएका हुन् ।

उनले नेपालमा रहँदा राजनीतिक नेतृत्वसँग भेटघाट गर्नुका साथै यही कात्तिक १० गते नेकपाले आयोजना गर्ने चियापानमा पनि सहभागी हुने कार्यक्रम रहेको बताइएको छ ।

यहाँ रहँदा उनले राष्ट्रपति विद्यादेवी भण्डारी, प्रधानमन्त्री केपी शर्मा ओली, अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल, महासचिव विष्णु पौडेल लगायतसँग भेट्नेछन् । साथै, पुष्पलाल स्मृति प्रतिष्ठानद्वारा आयोजित विचार गोष्ठीलाई समेत सम्बोधन गर्ने सो पार्टीले जनाएको छ ।