मलेसियाको निःशुल्क रोजगारी खुल्दै, आज मन्त्री विष्टले सम्झौता गर्ने

काठमाडौं, ११ कात्तिक । लामो समय बन्द रहेका मलेसियाको रोजगारी खुल्ने भएको छ । अब नेपाली कामदारले बिना लगानी मलेसिया जान पाउने भएका छन् ।बन्द रहेको मलेसिया रोजगारीखोल्ने सहमतिका लागि त्यहाँका मानव संशाधन मन्त्री एम कुलेसेगरन काठमाडौं आइपुगेका छन् । आज नेपालका श्रम तथा रोजगार मन्त्री गोकर्ण विष्ट र मलेसियाका मन्त्री कुलेसेगरनबीच सम्झौता हुनेछ ।

नेपालीका लागि ६ महिनादेखि बन्द मलेसियाको रोजगारी पुनः सुचारु गर्न दुवै मुलुकबीच समझदारी पत्रमा आज हस्ताक्षर हुनेछ । समझदारी पछि कामदारको सम्पूर्ण खर्च मलेसियन रोजगारदाताले व्यहोर्नेछ ।

म्यानपावरले सेवा शुल्कवापत कामदारसँग पारिश्रमिकको आधा महिनाको मात्र शुल्क लिन पाउनेछन् । काममा लागेपछि कामदारको आतेजाते टिकट रोजगारदाताले व्यहोर्ने छ ।६ महिना अघिकै प्रक्रिया अनुसार मलेसियाले नेपालबाट कामदार लैजाने भए पनि अबदेखि कामदारको सम्पूर्ण खर्च मलेसियन रोजगारदाताले बेहोर्ने छन् ।