उडिरहेको जहाजका पाइलटले गरे यस्तो घोषणा अनि सबै नाजवाफ भए

एजेन्सी। सामाजिक संजालयमा यतिबेला एउटा भिडियो निकै शेयर भइरहेको छ। यो भिडियोमा पाइटल अनाउन्समेन्ट गरिरहेका छन्, उनी टर्की भाषाका कुरा गरिरहेका छन्। टर्किस एयरलाइन्समा जो पाइलट जो जहाज उडाइरहेका थिए त्यही जहाजमा उनका गुरु पनि यात्रा गरिरहेका थिए।

पाइलटले आफूलाई बढाउने गुरु पनि यही जहाजमा यात्रा गरिरहेको थाहा पाए, अनि उनले गुरुलाई सम्मानित गर्ने निर्णय गरे। पाइलटले अनाउन्समेन्टमा भने–आदणीय यात्रु गण, म क्याप्टेन बोलिरहेको छु। आजको दिन विषेश दिन हो। हामीसँगै मेरा गुरु पनि हुनुहुन्छ। जसका कारण म पाइलट बन्न सफल भएँ। पलिह उहाँ पनि क्याप्टेन हुनुहुन्थ्यो, पछि टिचर बन्नु भयो। उहाँकै कारण म पाइलट बन्न सकेँ, आज म जे छु उहाँकै कारणले छु।’

उनले अगाडि भने–म क्याप्टेन, मेरा गुरु साहिक ओनरलाई म स्वागत गर्छु। मैले तपाइँसँग अध्ययन गर्न पाएर निकै खुशी छु। तपाइँ मेरो बुवा समान हुनुहुन्छ। म टर्किस एयरलाइन्सकातर्फबाट तपाइँलाई सम्मान गर्न चाहन्छु।’ त्यसपछि एयरलाइन्स स्टाफले गुरुलाई फूल लिएर स्वागत गरे। गुरु भावुक भए।