अनौठो मन्दिरः जहाँ सुन्दर श्रीमती पाउन महिलाको रुपमा पुजा गर्छन् पुरुष

एजेन्सी । कुनै पनि पुरुषले आफ्नो जीवन संगिनी सुन्दर होस भन्ने कामना भगवानसंग गरिरेहेको हुन्छ । तर उनिहरुले सुन्दर श्रीमतीका लागि भन्दै महिलाले जस्तै सिँगारपटार गरि मन्दिरमा पुजा गरेको सुन्दा तपाईहरुलाई अच्चमै लाग्छ होला ।

महिलाहरुले राम्रो वरका लागि त ब्रत बसेको हामीले देखेका नै हौ । तर पुरुषले असल र राम्री श्रीमतीका लागि ब्रत बसेको भन्ने कतै पनि सुन्नमा आएको छैन  भारतको केरलामा एउटा मन्दिर छ जहाँ पुरुषहरु सुन्दर पत्नीको वरदान माग्छन् ।

दक्षिण भारतमा रहेको श्रीदेवी मन्दिरमा वरदान माग्न जाने पुरुषहरु महिलाले जस्तै सारी लगाएर श्रृंगार गर्नुपर्दछ । कोल्लम जिल्लास्थित कोट्टनकुलंगरामा रहेको श्रीदेवी मन्दिरमा पुरुषहरु सुन्दर पत्नी तथा राम्रो जागिरका लागि वरदान माग्न पुग्ने गरेका छन् ।

हरेक वर्ष २३ र २४ मार्चमा यो मन्दिरमा चाम्याविलक्कु नामक पर्व मनाइन्छ । त्यो बेला महिलाको जस्तै श्रृंगारपटार गरेर वरदान मागे बर पाईन्छ भन्ने जनविश्वास रहकेको छ । त्यसैले पनि सो समयमा पुरुषहरु बर माग्न आउनेको भिड लाग्ने गर्दछन् । यस्तो विश्वास त्यहाँका मानिसहरुले वर्षौदेखि मान्दै आईरहेका छन् ।