मेनुकाको स्वरमा नयाँ गीत सार्वजनिक

काठमाडौँ । नेपाल आइडल पहिलो सिजनको टप ११ बाट बाहिरिए पनि मेनुका पौडेलले छोटो अवधिमै दर्शक श्रोताको मनमा ठाउँ बनाउन सफल भइन्। नेपाल आइडलबाट बाहिरिएकी मेनुकाले आफ्नो स्वरमा नयाँ गीत पनि सार्वजनिक गरिसकेकी छिन्।
अहिले उनी भारतको चर्चित गायन रियालिटी सो ‘सारेगामापा’मा भाग लिएर चर्चमा छिन्। उनी भारतीय गायन रियालिटी सो सारेगामापाको टप १२ सम्म पुग्न सफल भइन्।

उनले स्वर दिएको नयाँ गीत ुरङ्ग भित्रकोुको छायाङ्कन गरिएको छ। गीतमा नीता ढुङ्गाना र नीराजन प्रधानले रोमान्स गरेका छन्। गीतमा सङ्गीत एसडी योगीको रहेको छ भने गीतको शब्द दीपेन्द्र घिमिरेले लेखेका हुन्।