वृद्धको मृत्युको केही दिनपछि खुल्यो मन छुने रहस्य, संसारभर भइरहेछ वृद्धको तारिफ

लण्डन। बेलायतको वेल्स राज्यको ग्लेमोर्गनका ८५ वर्षका वृद्ध केनको गएको सोमबार निधन भयो । त्यसको केही दिनपछि वृद्धको यस्तो रहस्य खुल्यो जसका कारण संसारभर वृद्धको तारिफ भइरहेछ । केनको निधन भएको केही दिनमै उनको छिमेककी २ वर्षकी एक बालिकाको लागि क्रिसमसको उपहार आयो । यो उपहार अनलाइनबाट अर्डर गरिएको थियो ।

गिफ्ट उनै वृद्ध केनले पठाएका थिए । यतिमात्र होइन अनलाइन सामान डेलिभरी गर्ने कम्पनीमा बुझ्दा थाहा भयो वृद्ध केनले ती बालिका केडीको लागि आगामी १४ वर्षसम्मका लागि क्रिसमस गिफ्ट किनिसकेका थिए । तर, यसबारे कसैलाई बताएका थिएनन् । केनको मृत्युपछि उनले पठाएको उपहार पाएपछि केडीको परिवार निकै भावुक भएको छ । उनीहरुले पूरै घटनालाई सामाजिक संजालमा शेयर गरेका छन् ।

केडीका पिता ओवेन विलियम्सका अनुसार केन २ वर्ष अगाडि मात्र उनीहरुको छिमेकमा बसाइ सरेर आएका थिए । उनको मृत्युको केही दिनपछि ओवेनको घरमा गिफ्ट आयो । ओवेन भन्छन् ‘यो हाम्रो लागि क्रिसमसको कथाजस्तै थियो जहाँ सेन्टा क्लव बच्चाहरुको लागि गिफ्ट छोडेर जान्छन् ।’ ट्वीटरमा यो घटना शेयर भएपछि युजरहरुले केनलाई श्रद्धाञ्जली दिइरहेका छन् । पहिलो गिफ्टमा केहीका लागि किताब आएका छन् । बाँकी गिफ्ट के आउने हुन् थाहा हुन बाँकी नै छ ।