पिताले फोन खोसिदिएपछि १६ वर्षे छोरीले पुलिस बोलाइन्, जब पुलिस आयो सबै उल्टो भयो

ओहियो। आजको समयमा स्मार्टफोन मानव जीवनको अभिन्न अंग भइसकेको छ । बालबालिकालाई स्मार्टफोनबाट टाढा राख्न निकै कठिन भइसकेको छ । यस्तै विचित्र घटना अमेरिकाको ओहियो प्रान्तमा भएको छ । यहाँका एक पिताले आफ्नी १६ वर्षे छोरीको फोन खोसिदिएपछि छोरीले फोन गरेर पुलिस बोलाइन् । इमरजेन्सी नम्बर ९११ मा फोन गरेर उनले आफ्ना पिताले आफ्नो सम्पत्ति खोसिदिएको उजुरी गरिन् र पितालाई कारवाहीको माग गरिन् ।

ओहियोका एन्टोनी रबर्टसनले दिनभर फोनमा झुण्निे छोरीको स्मार्टफोन खोसिदिएका थिए । यही कुराबाट रिसाएकी छोरीले इमरजेन्सी नम्बरमा फोन गरेर भनिन् कि मेरा पिताले मेरो सम्पत्ति खोसिदिएका छनन् जो ८०० डलर मूल्य पर्ने स्मार्टफोन हो जुन फोन पिताले किनेर मलाई दिएको होइन । उनले पटक पटक फोन गरेर पितामाथि फोन चोरी गरेको आरोप लगाइरहिन् ।

गत शनिबार पुलिस उनको उजुरी आएपछि उनको घरमा पुगेको थियो । पुलिसले जब यसबारे पितासँग कुरा गरे त्यसपछि झनै अलग कहानी आयो । एन्टोनिले भने कि छोरी अहिले नाबालिग र्न छन् र म चाहन्न कि उनी अहिले नै फोन राखुन् किनकि म उनका क्रियाकलाप जाँच गर्न सक्दिन । एन्टोनीले भने कि मैले अनुशासनलाई ध्यानमा राख्दै फोन खोसेको हुँ ।

त्यसपछि पुलिसले पितालाई कारवाही र्गुको सट्टा छोरीलाई नै चेतावनी दिएको छ । पुलिस अफिसरले एन्टोनीको साथ दिँदै भने कि १८ वर्षभन्दा कम उमेरमा फोन राख्न पाउनु तिम्रो सौभाग्य हुन सक्छ तर अधिकार होइन । एन्टोनीले पनि जबसम्म छोरीको व्यवहार बदलिँदैन त्यति बेलासम्म फोन फिर्ता नदिने बताएका छन् ।