अमेरिकामा अर्को ठूलो गोलीकाण्ड, ११ जनाको मृत्यु

एजेन्सी, ११ कार्तिक । अमेरिकाको पिट्सबर्ग शहरमा एकजना बन्दुकधारीको आक्रमणबाट ११ जनाको ज्यान गएको छ।स्थानीय समय अनुसार शनिवार ट्री अफ लाइफ नामक एउटा यहुदी प्रार्थनाघरमा प्रार्थना भइरहँदा ती बन्दुकधारीले गोली चलाएका थिए।

पछि बन्दुकधारीलाई नियन्त्रणमा लिइएको विवरणहरूमा जनाइएको छ।अमेरिकी मिडिया रिपोर्टका अनुसार सबै यहुदीहरू मर्नुपर्छ भन्दै बन्दुकधारीले गोली चलाएका थिए।

राष्ट्रपति डोनल्ड ट्रम्पले एउटा ठूलो हत्याकाण्डमा थुप्रै मान्छे मारिएको प्रतिक्रिया दिएका छन्। सन्दिग्ध हमलाकारी ४६ वर्षीय रोबर्ट बोवर्स भएको पहिचान गरिएको छ।