संसदमा समेत निर्वस्त्र प्रवचन दिने ‘क्रान्तिकारी सन्त’ तरुणको निधन

काठमाडौं, १६ भदाै । । ‘क्रान्तिकारी सन्त’ भनेर चिनिने भारतका जैन मुनि तरुण सागरको निधन भएको छ । लामो समयदेखि जण्डिस रोगबाट पीडित उनको  दिल्लीको शाहदरास्थित कृष्णानगरमा निधन भएको भारतीय समाचार माध्यमहरुले जनाएका छन् । भारतीय समयअनुसार शनिबार बिहान सवा तीन बजे उनको  निधन भएको हो ।

लामो समयदेखि औषधिको असर देखिन छाडेपछि उनले थप उपचार गर्न इन्कार गरेपछि उनलाई कृष्णानगरमा लगिएको थियो । उनको शव यात्रा दिल्लीको राधेपुरबाट सुरु गरि २८ किलोमिटरको दूरी पार गर्दै दिल्लीको मेरठ हाइवेस्थित तरुणसागर तीर्थस्थलमा अन्तिम संस्कार गरिने भारतीय समाचार माध्यमहरुले जनाएका छन् ।