अस्ट्रेलियाबाट विराटले भने – इश्वरले सबैको कल्याण गरुन्

एजेन्सी । बलिउड अभिनेत्री अनुष्का शर्मा आफ्ना पति विराट कोहलीसँग अस्ट्रेलियामा नयाँ वर्ष मनाइरहेकी छन् । विराट कोहलीले दुबैजनाका केही तस्वीर सामाजिक सञ्जाल इंस्टाग्राममा पोस्ट गरेका छन् । तस्वीरमा अनुष्काले विराटलाई अंकमाल गरेको देख्न सकिन्छ । या तस्वीर सडकमा क्लिक गरिएको हो । यो तस्वीरलाई केही मिनेटमै ७ लाखभन्दा धरैले लाईक गरेका छन् ।

तस्वीरको क्याप्शनमा विराटले लेखेका छन्, ‘सबैलाई नयाँ वर्षको शुभकामना, मेरो घरदेखि सारा संसारसम्म, सिधा अस्ट्रेलियाबाट, नयाँ साल मुबारक र इश्वरले सबैको रक्षा गरुन् ।’ स्मरण रहोस अनुष्का शर्माको फिल्म जीरो हालै रिलिज भएको छ । तर, यो फिल्मले खासै व्यापार गर्न सकेको छैन । तर, फिल्ममा अनुष्कामले गरेको कामको भने सबैतिरबाट प्रसंशा भएको छ ।

अनुष्काले फिल्ममा शारीरिक रुपमा अक्षम युवतीको भूमिका निभाएकी छन् । फिल्ममा अनुष्काका साथै शाहरुख खान र कैटीना क्याफ पनि छन् । शाहरुखले फिल्ममा एक पुड्काको भूमिका गरेका छन् । आनन्द एल रायले निर्देशन गरेको यो फिल्मको कुल बजेट करिब २०० करोड भारु हो ।