डा.केसी र रेखाले एकै मञ्चबाट पोखे ओलीमाथी आक्रोश, दिए कडा चेतावनी (भिडियो सहित)

नागरिक अभियान्ताहरुले आज फेरी सडकमा आएर केपी शर्मा ओली सरकारको बिरोध गरेका छन् । युवाहरुलाई साथमा लिएर उनिहरुले ओली सरकारको बिरोध गरेका हुन् । स्वतन्त्र नेपाली नागरिकको साथ आफुहरुलाई रहेको बताउँदै उनिहरुले अबको संघर्षलाई निरन्तरता दिने उद्घोष समेत गरेका छन् ।

मुलुकमा अनियमितता, हत्या हिंसा, बलात्कार जस्ता जघन्य अपराधका घटना भईरहँदा समेत सरकार रमिते बनेको उनिहरुले बताएका छन् । आज काठमाडौंको माइतीघर मंण्डलाबाट सुरु भएको शान्तिपुर्ण बिरोध र्याली बानेश्वरमा पुगेर कोणसभामा परिणत भएको थियो ।

र्यालीको अगुवाई नागरिक अभियान्ताहरुले गरेका थिए । र्यालीमा नायिका रेखा थापा, राजनीतिक विश्लेषक डा. सुरेन्द्र केसी, नागरिक अभियान्ता डा. सुरेन्द्र भण्डारी, अनिल योगी लगायत युवाहरुको बाक्लो सहभागिता रहेको थियो । कञ्चनपुरकी १३ वर्षी बालिका निर्मला पन्तको बलत्कारपछि हत्या भएको लामो समय बितेको भन्दै उनिहरुले चिन्ता समेत व्यक्त गरेका छन् । घटना घटेपछि निर्मलालाई न्याय दिलाउन उनका आमा बाबुसहित जनस्तरबाट चर्को दबाव पनि सिर्जना भएको थियो ।