खाेलामा फसेकाे टिपर निकाल्ने क्रममा बिजुलीकाे तार छाेइँदा ज्यान गयाे

दाङ – देउखुरीमा करेन्ट लागेर आइतबार एक जनाको ज्यान गएको छ ।आइतबार दिउँसो लमही नगरपालिका–७, सम्राट सिमेन्ट उद्योग नजिक अर्जुन खोलामा फसेको रा १ क १६६० नम्बरको टिप्पर निकाल्ने क्रममा बिजुलीको तार छाेइँदा घाइते भएका टिप्पर निकाल्न प्रयाेग गरिएकाे क्रेनका सहचालकका‍े ज्यान गएकाे हाे ।

ज्यान गुमाउने क्रेनका सहचालक प्युठान जिल्लाकाे प्युठान नगरपालिका–९ मरेङ बस्ने २७ वर्षीय खेतुलाल घर्तीमगर रहेकाे प्रहरीले जनाएकाे छ । खोलामा फसेको टिप्परलाई बा २ क ५६३९ नम्बरको क्रेनले निकाल्ने क्रममा बिजुलीको तार छुँदा घर्तीमगर घाइते भएका थिए । घाइते घर्तीमगरको देउखुरीमा रहेको लमही अस्पतालमा उपचारका क्रममा ज्यान गएको जिल्ला प्रहरी कार्यालय दाङका प्रहरी नायव उपरीक्षक बिनोद विक्रम शाहले जानकारी दिनुभयाे ।