Wednesday 17th August 2022

मालेगाउँमा पानीको अभाव : चर्पी भए पनि खुला ठाउँमै दिसापिसाब गर्न बाध्य

6 months अगाडी

दाङ – दाङको घोराही उपमहानगरपालिका वडा नम्बर–१ मालेगाउँमा पिउने पानीको समस्या भएको छ ।

वर्षायाममा आकासे पानी संकलन गरेर र अन्य समयमा खोलाको धमिलो पानी पिउनु पर्ने बाध्यता रहेको स्थानीयवासीले गुनासो गरेका छन् । उनीहरूले झण्डै डेढ घण्टा हिँडेर खोलाको पानी बोकेर खानुपर्ने बाध्यता छ । मालेगाउँवासीले हिउँद र गर्मीयाममा पानीको अभाव झेल्दै आएका छन् ।

पाँच वर्षअघि घोराही उपमहानगरपालिका वडा नम्बर–१ र विभिन्न संघ संस्थाको आर्थिक सहयोगमा सोलार प्रणालीबाट लिफ्टमार्फत पानी ल्याएर केही महिना उपभोग गरेपनि अहिले त्यो प्रणाली बिग्रेकाले पुरानो समस्या दोहोरिएको हो । पानी अभावमा अहिले आफूहरुले विभिन्न खालका समस्या भोग्न बाध्य भएको माले सल्लीकोट टोल विकास संस्थाका अध्यक्ष विजय तिवारीले बताउनुुभयो ।

पानीको संकट गहिरिँदै गएकाले एक गाग्री पानी लिएर घरमा आउँदा २ घण्टा लाग्ने गरेको स्थानीय गीता तिवारीको गुनासो छ । पानी नभएकै कारण माले सल्लीकोटका बासिन्दाले चर्पीसमेत प्रयोग गर्न सकेका छैनन् । घरमा चर्पी बनाए पनि प्रयोगमा ल्याउन नसकेको बागवीर वलीले बताउनुुभयो । खानेपानीकै समस्या भएको अवस्थामा सरसफाइका लागि थप पानी संकलन गर्न सम्भव नभएपछि आफूहरु खुला ठाउँमै दिसापिसाब गर्न बाध्य भएको अर्का स्थानीय दिलमाया पुनको भनाइ छ ।   उज्यालो

          February 16, 2022 12:44 pm | समाचार,स्वास्थ्य


प्रतिकृयाहरू :

समाचारहरु:

भर्खरै प्रकाशित


Loading...