बार्सिलोनालाई ओउसमाने डेम्बेलेको व्यवहार मनपरेन

काठमाडौँ, २ मंसिर । बार्सिलोनाका स्टार खेलाडी ओउसमाने डेम्बेले यतिखेर तनाबमा रहेका छन् । बार्सिलोनामा पर्याप्त समय खेल्न नपाएपछि उनले अनुशासन पालना नगरेको मिडिया रिपोर्टमा उल्लेख छ ।बार्सिलोनाले यसबारे आधिकारीक प्रतिक्रिया भने दिएको छैन ।

तर, पछिल्ला खेलहरुमा उनी ट्रेनिङमा समयमा उपस्थित समेत नहुने तथा प्रशिक्षकको कुरालाई पनि अवज्ञा गर्ने जस्ता व्यवहारहरु देखाएपछि उनको कडा आलोचना भएको छ ।

१२० मिलियन डलर तिरेर बार्सिलोनाले उनलाई बोरुसिया डोर्टमण्डबाट किनेको थियो । उनको व्यवहारका कारण बार्सिलोना आउने सिजन उनलाई बेच्ने हल्ला पनि चलिरहेको छ ।लिभरपुलले उनलाई किन्ने हल्ला चलिरहँदा बार्सिलोनाले भने उनको व्यवहारमा परिवर्तन आउने बताइरहेको छ ।