युभेन्ट्सलाई फियोरेन्टिनाले पनि रोक्न सकेन

काठमाडौँ, १६ मंसिर । इटालियन सिरी ए मा युभेन्ट्सले फियोरेन्टिनालाई ३-० गोलले पराजित गरेको छ । यो जितसँगै युभेन्ट्सले १४ खेलमा अपराजित यात्रा कायम राख्न सफल भएको छ ।

युभेन्ट्सका लागि खेलको ३१ औं मिनेटमा बेन्टानकार गोल गर्दै अग्रता दिलाएका थिए । खेलको ६९ औं मिनेटमा चेलिनीले दोस्रो गोल गरे ।खेलको ७९ औं मिनेटमा रोनाल्डोले पेनाल्टीमा युभेन्ट्सका लागि तेस्रो गोल गरे ।यो गोलसँगै रोनाल्डोले युभेन्ट्सका लागि पहिलो सिजनमै १४ खेलमा १० गोल गर्न सफल भएका छन् ।

यो जितसँगै युभेन्ट्सले लिगमा १३ खेलमा ४० अंक जोड्दै शिर्षस्थानमा रहेको छ । फियोरेन्टिना १८ अंक जोडेर दशौं स्थानमा छ ।