इपीएल : काठमाडौंले पायो एक सय ५० रनको चुनौती

काठमाडौं, २९ मंसिर । एभरेष्ट प्रिमियर लिगको शनिबारको पहिलो खेल सुरु भएको छ । खेलमा भैरहवा ग्याडियटर्सले काठमाडौं किंग्स इलाभेनलाई जितका लागि एक सय ५० रनको चुनौती दिएको छ ।

टस जितेको काठमाडौंले भैरहवालाई ब्याटिङको निम्तो दिएसँगै सुरु भएको खेलमा भैरहवाले पूरा ओभर खेल्यो । ४ विकेटकाे क्षतिमा उसले एक सय ४९ रन जाेड्न सक्यो । भैरहवाका लागि इन्दर सिंह सर्वाधिक ८६ रनकाे याेगदान गरे । उनले ६१ बलकाे सामना गर्दा ६ चाैका र ४ छक्का हिर्काए । भैरहवाका कप्तान ३९ रन जोडे ।

भैरहवाले यसअघि नै प्ले अफमा स्थान सुरक्षित गरिसकेको छ । आजको खेलमा जित निकाल्दै लिगकाे शिर्ष स्थानमा पुग्ने उसको लक्ष्य छ । प्रतियोगितामा अपराजित भैरहवा ३ खेलबाट ६ अंक जोड्दै दोस्रो स्थानमा छ । उता काठमाडौं भने ३ खेलबाट ४ अंक जोडेर चौथो स्थानमा छ