बार्सिलोना फर्कन नेयमारको हारगुहार !

काठमाडौँ, २८ पुस । बार्सिलोनालाई बाइबाइ भन्दै एकाएक पिएसजी क्लब गएर पश्तायका ब्राजिलका स्टार खेलाडीले बार्सिलोना फर्कन पाँच पटकसम्म प्रक्रिया चलाउन आग्रह गरेको मिडिया रिपोर्टमा उल्लेख छ ।

पिएसजीमा उनी खुसी नरहेको उनको पिताले पनि स्वीकार गरेका छन् । उनको पिताले जोसेफ बार्तेमोउसँग यसबारे छलफल गरेको मिडिया रिपोर्टमा उल्लेख छ ।

उनका पिताले भनेका छन्, ‘नेयमार पिएसजीमा निराश छ र बार्सिलोनासँग माफी पनि माग्न तयार छ ।’

उनले भनेका छन्, ‘नेयमारलाई लाग्छ पिएसजीमा स्पोटिंग प्राजेक्टको कमी रहेको छ ।’ सन् २०१७ मा नेयमार २२२ मिलियन युरोमा बार्सिलोनाबाट पिएसजीमा अनुबन्ध भएका थिए ।