मोराटा यसै साता एट्लेटिको मड्रिडमा अनुबन्ध हुने

काठमाडौँ, ६ माघ । चेल्सीका स्टार खेलाडी अल्भारो मोराटा स्पेनिस क्लब एट्लेटिको मड्रिड जाने लगभग पक्का भएको छ ।आर्सनलविरुद्धको खेलमा उनी टोलीमा समेत रहेका थिएनन् ।

मिडिया रिपोर्टका अनुसार उनी मंगलबार एट्लेटिकोमा अनुबन्धित हुनेछन् । लामो समयदेखि चेल्सीमा खुसी नरहेका र चेल्सीले पनि आफुले खोजेजस्तो खेल मोराटाले दिन नसकेको खबर बाहिर आइरहेको थियो ।

मिडिया रिपोर्टका अनुसार उनी ६० मिलियन युरोमा एट्लेटिको क्लबमा अनुबन्ध हुनेछन् ।गएरातिको खेलमा चेल्सी आर्सनलसँग पराजित भएको चेल्सी पनि नयाँ स्टाइकरको खोजीमा रहेको थियो । उसले गोन्जालो हिगुइन किन्ने लगभग पक्का भइसकेको छ ।