अर्जेन्टिनाले क्रोएसियासँग हारेपछि २० वर्षीय नेपाली युवाले गरे आत्महत्याको प्रयास

पाँचथर, असार ११- रसियामा जारी विश्वकप फुटवलमा अर्जेन्टिनाका फ्यान रहेका पाँचथरका एक युवकले आत्म हत्या प्रयास गरेका छन ।

क्रोएसियासँग ३–० गोल अन्तरले अर्जेन्टिना पराजित भएपछि हारको पीडा सहन नसकेर जिल्लाको याङवरक गाँउ पालिका ५ का २० वर्षीय रामकुमार तावाले आत्महत्याको प्रयास गरेका हुन ।

उनका भाई लक्ष्मणका अनुसार खेलकुदका निकै हिमायति रामले अर्जेन्टिनाको हारपछि रातीदेखि नै पटक पटक आत्म हत्या प्रयास गरिरहेका थिए । ‘म व्राजिलको पक्षमा वकालत गर्थे भने दाई अर्जेन्टिनाका पक्षमा वकालत गर्थे, यसैविच गएराती अर्जेन्टिनाले क्रोएसियासँग पराजित भएपछि उनी निकै भावुक वने ।’ लक्ष्मणले भने ।

दिनभरी आफुसँगै रहेका दाजुले एक्लै हुनासाथ दिँउसो ३ वजे घरको तलामाथि चढेर घाँटीमा डोरी लगाइ आत्महत्याको प्रयास गरेका थिए |डोरी लगाएर सिलिङमा झुण्डिएपछि आफुहरुले देखेर उद्धार गरी अस्पताल ल्याएको पनि उनको भनाई छ ।

गम्भिर अवस्थामा रहेका तावाको पाँचथर जिल्ला अस्पतालमा उपचार हुन नसकेपछि झापा तर्फ रेफर गर्नका साथै घट्नाको अनुसन्धान थालिएको जिल्ला प्रहरी कार्यालय पाँचथरले जनाएको छ ।