अर्को सिजन म्यानचेस्टर युनाइटेडमा ओले गनर रहलान् त ?

काठमाडौँ, २३ फागुन । म्यानचेस्टर युनाइटेडले एकपछि अर्को खेलमा देखाएको उत्कृष्ट प्रदर्शनले प्रशिक्षक ओले गनर सोल्सायरको जागिर पक्का भएको मिडिया रिपोर्टमा उल्लेख छ ।

उनलाई क्लबले अन्तरिम प्रशिक्षकका रुपमा नियुक्त गरेको थियो ।तर, पिएसजीलाई पराजित गरेपछि उनले स्थायी नियुक्ती पाउने समिक्षकहरुले बताएका छन् ।उनीहरुका अनुसार ओले गनरले आफुलाई आधी सिजनमा प्रमाणित गरिसकेका छन् ।

उनले प्रत्येक खेलमा अपनाएको रणनीतिले पनि उनी सफल प्रशिक्षकको सुचीमा आउन धेरै समय नलाग्ने समिक्षकहरु बताउँछन् ।

उनी आएपछि यस सिजन म्यानुले प्रिमियर लिगमा पनि उत्कृष्ट खेल खेल्दै आइरहेको छ ।च्याम्पियन्स लिगमा पिएसजीविरुद्ध म्यानुको रणनीति सफल भएपछि अब कलबले उनलाई जिम्मेवारी दिनुपर्ने समिक्षकहरु बताउँछन् ।