मैदानमा नै पुगेर च्याम्पियन्स लिग हेरिन् मिस नेपाल शृंखला खतिवडाले , खिचाइन् पोग्वा र फर्गुसनसँग

च्याम्पियन्स लिगअन्तर्गत पिएसजी र म्यानचेस्टर युनाइटेडबीचको खेल मिस नेपाल शृंखला खतिवडाले हेरेकी छिन् । उनले पिएसजी र म्यानचेस्टर युनाइटेडबीचको खेल मैदानमै पुगेर हेरेकी हुन् ।

शृंखला खतिवडालाई नेपालका लागि फ्रान्सेली दूतावासले उक्त खेल हेर्नको लागि प्रस्ताव गरेको थियो । नेपाल र फ्रान्सको सद्भावना दूत रहेकी शृंखला खतिवडा पिएसजी र म्यानचेस्टर युनाइटेडबीचको खेल हेर्न खेल मैदानमै पुगेकी हुन् ।

शृंखलाले उक्त खेल हेरिसकेपछि सामाजिक सञ्जाल फेसबुकमा म्यानचेस्टर युनाइटेडका मिडफिल्डर पाउल पोग्बा र युनाइटेडका पूर्वप्रशिक्षक लिजेन्ड सर एलेक्स फर्गुसनसँग फोटो खिचेकी थिइन् ।

यस्तै उनले फ्रेन्च राष्ट्रिय फुटबल टोलीका प्रशिक्षक डिडियर डिस्च्याम्प्स, फ्रान्सका पूर्वराष्ट्रपति निकोलास सार्कोजी र स्टार खेलाडी प्याट्रिक इभ्रासँग फोटो खिचेर सामाजिक सञ्जाल इन्स्टाग्राममा पोष्ट गरेकी छन् ।पिएसजीको घरेलु मैदानमा भएको उक्त खेल युनाइटेडले ३–१ ले जितेको थियो ।