विश्वकपका लागि पाकिस्तान टिममा फेरबदल, आमिरको पुनरागमन

एजेन्सी, पाकिस्तानले आगामी मे ३० देखि जुलाई १४ सम्म इंग्ल्यान्ड र वेल्समा संयुक्त रूपमा आयोजना हुन लागेको एक दिवसिय विश्वकपको लागि आफ्नो टोलीमा फेरबदल गरेको छ । पाकिस्तान क्रिकेट बोर्डले विश्वकप सुरु हुनुभन्दा १० दिनअघि आफ्नो टोलीमा फेरबदल गरेको हो ।

उसले पाकिस्तानले गत वैशाख ५ गते सार्वजनिक गरेको १५ सदस्सीय टोलीमा ३ खेलाडी परिवर्तन गरिएको हो । परिवर्तित टोलीमा तीव्र गतिका बलर मोहम्मद आमिरले मौका पाएका छन् । आमिर गत वैशाख ६ मा घोषणा गरेको टोलीमा परेका थिएनन् । हाल इङ्ल्याण्डमा रहेका आमिरको ठ्याउला निको भएको कारण टिममा राखिएको हो ।

आमिरसँगै आसिफ अलि र वाहब रियाजले पाकिस्तानी टोलीमा स्थान बनाएका छन् । उनीहरूले अबिद अलि, फहीम आश्रफ र जुनिद खानलाई स्थानान्तरण गर्दै टोलीमा स्थान बनाएका हुन् । पाकिस्तानले ३१ मे मा वेस्ट इन्डिजसँग खेल्दै विश्वकपमा सुरुवात गर्ने छ ।

पाकिस्तानको नयाँ टोलीमा कप्तान सर्फराज अहमेदसँगै मोहमद आमिर, बाबर आजम, हसन अली, इमाद वासिम, आसिफ अलि, फखर जमान, हरिस सोहिल र इमाम उल रहेका छन् । यस्तै वाहब रियाज, मोहमद हाफिज, मोहमद हसन, शादब खान, शाहिन साह अफ्रिदी र शोयब मल्लिक टोलीमा अटाएका छन् ।