छुट्टी मनाउन परिवार सहित ग्रिस पुगे रोनाल्डो

एजेन्सी । विश्वचर्चित फुटबल खेलाडी क्रिस्टियानो रोनाल्डो छुट्टी मनाउन परिवारसहित ग्रिस पुगेका छन् । पोर्चुगिज स्टार खेलाडी रोनाल्डो सन २०१८–१९ को सिजन समाप्तीपछि परिवार सहित छुट्टी मनाउन युरोपको सुन्दर देश ग्रिस पुगेका हुन् ।विदा मनाउन निस्किएका रोनाल्डोका साथमा उनकी प्रमिका जर्जिना रोड्रिगेज र तीन छोरा एक छोरी पनि छन् । फुटबल सिजनको अन्त्यमा प्राय फुटबल खेलाडी छुट्टी मनाउन निस्कने गरेका छन् ।

इटालियन क्लब युभेन्टसबाट व्यवसायीक फुटबल खेलिरहेका राेनाल्डाेले भर्खरै आफ्नो नेतृत्वमा पोर्चुगललाई दोस्रो ठूलो अन्तर्राष्ट्रिय प्रतियोगिताको उपाधि जिताएका थिए । यसअघि रोनाल्डोको नेतृत्वमा पोर्चुगलले सन् २०१६ मा युरो कप जितेको थियो ।

देशलाई मात्र होइन सन् २०१८–१९ को सिजनको बीचमा स्पेनिस क्लब रियल मड्रिडबाट इटालीयन युभेन्टस पुगेका उनले क्लबलाई घरेलु लिग सिरी ‘ए’ र सुपर कोपा इटालियाको उपाधि दिलाएका थिए । व्यक्तिगत रुपमा राेनाल्डाेले सन २०१८–१९ मा गरेको गोल संख्या एक दशकयताकै कम थियो । समग्रमा सिजनको सुखद अन्त्य गरेका रोनाल्डो केही दिनपछि पोर्चुगल फर्कने बताइएको छ ।