आज ह्वात्तै बढ्यो सुनको भाउ, तोलाको कति पुग्यो ?

काठमाडौं । आज बिहीबार सुनको भाउ ह्वात्तै बढेको छ। आज छापावाल सुन प्रतितोला ६४ हजार रुपैयाँमा कारोबार भईरहेको नेपाल सुनचाँदी व्यवसायी महासंघले डिसी नेपाललाई जनाएको छ। हिजो छापावाल सुन ६३ हजार रुपैयाँमा कारोबार भएको थियो। त्यस्तै आज तेजावी सुनको मूल्य पनि ह्वाततै बढेको छ । आज तेजावी सुन प्रतितोला ६३ हजार ७ सय रुपैयाँमा कारोबार भईरहेको छ।

आज सुनको भाउसँगै चाँदीको मुल्य पनि बढेको छ । आज चाँदी प्रतितोला ७ सय ३० रुपैयाँमा कारोबार भईरहेको छ। बुधबार चाँदी ७२० रुपैयाँमा कारोबार भएको थियो।काठमाडौँ उपत्यका बाहेकका जिल्लामा भने नेपाल सुनचाँदी व्यवसायी महासंघले तोके बमोजिम सुन चाँदीको मूल्य केही बढी पर्न सक्ने छ।