एसईईमा उत्तीर्ण भइन् सांसद शान्ता चौधरी, कुन ग्रेड ल्याइन् ?

काठमाडौं । सांसद शान्ता चौधरी माध्यामिक शिक्षा परीक्षा (एसईई)मा उत्तीण भएकी छन् । बिहीबार प्रकाशित नतिजाअनुसार सांसद शान्ताले बी ग्रेड ल्याएकी छन् । उनले २.६५ जीपीए ल्याएकी हुन् । गएको चैत १० गते सञ्चालन भएको एसईई परीक्षामा उनी पनि सहभागी भएकी थिइन् ।

मुलुकभरबाट उक्त परीक्षामा सहभागी भएका चार लाख ७५ हजार तीन परीक्षार्थी मध्ये साधारणतर्फ ४ लाख ४९ हजार ६ सय ४२ र प्राविधिकतर्फ ९ हजार ६ सय ३३ परीक्षार्थी थिए । तीमध्ये दुई लाख ३६ हजार ४४५ छात्र र दुई लाख ३८ हजार ५५८ छात्रा परीक्षार्थी छन् ।