श्रीलंकाले दक्षिण अफ्रिकाविरुद्ध पहिला ब्याटिङ गर्दै

काठमाडौं, १३ असार । विश्वकप क्रिकेटमा आज श्रीलङ्का र दक्षिण अफ्रिकाबीच खेल हुँदैछ ।आजको खेलमा दक्षिण अफ्रिकाले टस जितेर श्रीलंकालाई ब्याटिङको निम्तो दिएको छ ।सेमिफाइनल यात्रालाई कायमै राख्नका लागि आजको खेल श्रीलङ्काको लागि जित्नै पर्ने दवाव छ । पराजित भएमा श्रीलङ्काको सेमिफाइनल पुग्ने सम्भावना कमजोर हुनेछ । ६ खेलमध्ये दुई खेलमा जित दुई खेलमा हार र दुई खेल वर्षाको कारण रद्द भएपछि अङ्क बाँडेको श्रीलङ्काको ६ अङ्क छ ।

अङ्क तालिकाको सातौँ स्थानमा रहेको श्रीलङ्का अन्तिम चारमा पर्दै सेमिफाइनलमा स्थान बनाउनका लागि उसले अबका सबै खेल जित्नुपर्ने हुन्छ । दक्षिण अफ्रिका विश्वकप क्रिकेटबाट बाहिरिसकेको छ । उसले खराब प्रदर्शन गर्दै एक खेलमा मात्रै जित र पाँच खेलमा हार तथा एक खेल पानी परेपछि अङ्क बाँड्दै तीन अङ्क बनाएको छ ।दक्षिण अफ्रिकाको अबको खेल उसको प्रतिष्ठाका लागि मात्र हुनेछ ।