गीतकार दिलिप योञ्जनद्वारा विष्णुमायालाई आर्थिक सहयोग

काठमाडौँ । गतवर्षदेखि बुवा र आमामा घाँटीको क्यान्सर भएपछि आर्थिक रुपमा कमजोर बनेकी कक्षा १२ मा अध्ययनरत विष्णु मायाकालाई साहित्यकार विना थिङले आर्थिक सहयोग गरेकी छन्।विष्णु मायाका लागि अमेरिकामा बस्दैँ आएका गीतकार तथा समाजसेवी दिलिप योञ्जन तामाङले नगद २५ हजार सहयोग गरेका हुन्। साथै उनले बालिकाको उच्च शिक्षाका लागि आफूले सहयोग गर्ने प्रतिबद्वता जनाएकी हुन्।

कोरियामा रहेका मान कुमार लामाले आफ्नो जन्मदिनको अवसर पारेर औषधि उपचारको लागि रु ५ हजार नगद उपलब्ध गराएका छन्। कमजोर आर्थिक अवस्थामा भएको कारण शौक्षिक भविष्यका लागि आफूले निरन्तर सहयोग गर्ने गीतकार योञ्जनले बताए। शिक्षाको ज्योतिबाट कोही बालबालिका पनि टाढा नहुन् भन्नको लागि उनले निरन्तर सहयोग गदैँ आएका छन्।

केही समय अगाडि उनले काठमाडौँको बुढानिलकण्ठ नगरपालिका वडा नम्बर १ तौलुङमा अवस्थित जय भद्रकाली आधारभूत विद्यालयका ५२ जना विद्यार्थीहरुलाई पूर्ण भर्ना, विद्यालय पोशाक (ट्रयाकसुट र सर्ट पाइन्ट), जुत्ता (सेता र कालो), कपी कलम लगायतका ३ लाख ५ हजार ४ सय बराबरको छात्रावृत्ति उपलब्ध गराएका थिए।