धादिङमा बस र माइक्रो ठोक्कियो, दुई जनाको मृत्यु, ३० जना घाइते

झापा,धादिङमा बस र माइक्रो ठोक्किएर भएको दुर्घटनामा दुई जनाको मृत्यु भएको छ भो ३० जना घाइते भएका छन् । घाइतेमध्ये ६ जना गम्भीर छन् ।धादिङ बेनिघाट रोराङ गाउँपालिका कृष्णभीरस्थित पृथ्वी लोकमार्गमा बस र माइक्रो ठोक्किएको हो । काठमाण्डौबाट चितवनतर्फ आउँदै गरेको लु१ख ९०७९ नं को बस र चितवनबाट काठमाडौ गरेको बा ३ ख १००४ नं को माईक्रो र बा २ ख ४५६७ नं को माईक्रो एक आपसमा ठोक्किएको हो ।

मृत्यु हुनेमा २७ वर्षीय श्यामकुमार श्रेष्ठ र नाम नखुलेकी एक महिला रहेकी छन् । श्रेष्ठको घटनास्थलमै मृत्यु भएको हो भने महिलाको उपचारका लागि अस्पताल लैजाने क्रममा मृत्यु भएको जिल्ला प्रहरी कार्यालय धादिङले जनाएको छ । प्रहरीका अनुसार माइक्रोबसले बसलाई ओभरटेक गर्न खोज्दा विपरीत दिशाबाट आइरहेको अर्को माइक्रो बससँग ठोक्किँदा दुर्घटना भएको हो ।