पोल ढल्दा करेण्ट लागेर हिड्दै गरेका ऋषिदेवको गयो ज्यान

विराटनगर । मोरङ र सुनसरीमा बुधबार करेण्ट लागेर दुई जनाको मृत्यु भएको छ । मोरङको रंगेली नगरपालिकामा हिड्दै गर्दा विजुलीको खम्बा ढलेर करेण्ट लाग्दा एक बालकको मृत्यु भएको हो ।

मोरङको रंगेली नगरपालिका ५ आपगाछीका १२ वर्षीय प्रमोद ऋषिदेवको दिउँसो घर छेउमा विजुलीको खम्बा छेउमा हिडिरहेको बेला खम्बा ढलेर तारले छुदाँ करेण्ट लागेको थियो । ईलाका प्रहरी कार्यालय रंगेलीका अनुसार उनी हिड्दै गर्दा खम्बा ढलेर पोल लडेपछि करेण्ट लाग्दा घटना स्थलमै मृत्यु भएको हो ।

यस्तै सुनसरी धरान थाक्करडाँडा का ६७ वर्षीय बिर्खबहादुर राईकोपनि करेन्ट लागेर मृत्यु भएको छ। बिहान ११ बजे घरमा रेडियो बजाउन खोज्दा उनलाई करेण्ट लागेको हो । रेडियोको ज्याक मल्टिपल्कमा जोड्ने क्रममा करेन्ट लागेपछि राई बेहोस भएका थिए । उनको उपचारको क्रममा बिपिकोइराला स्वास्य्थ बिज्ञान प्रतिष्ठान धरानमा दिउसो मृत्यु भएको अस्थाई प्रहरी पोष्ट घोपाले जनाएको छ।