बिलु यादवले नातिनी भेटे, छोरा भेट्न पाएनन्

विराटनगर । भारतबाट नेपाल बस्दै आएका छोरा, बुहारी र नातिनी भेटन ५५ वर्षिय बिलु यादवको सुनसरीकाे देवानगञ्जमा हत्या भएको छ । सोमबार बिहान छोराको डेरा नजिकै रहेको मन्दीरमा बास बसेका यादवको धारिलो हतियार दबियाको प्रयोग गरी हत्या भएको हो । प्रहरीले हत्यामा संलग्न भएको आरोपमा एक व्यक्तिलाई पक्राउ गरेको छ ।

धार्मिक कार्यक्रममा यात्रा गरीररहने यादव चार दिन अघि सुनसरी आएका थिए । छोरा बुहारी र नातिनी भेट्न आएका उनले छोरालाई भेट्न पाएका थिएनन् । उनका छोरा बुहारी देवागञ्ज गाउँपालिका–२ मा डेरा गरी बस्छन् । यादव भारतबाट छोरा भेट्न आएपनि उनका छोरा भने कामको शिलशिलामा भारत नै गएका छन् । डेरामा बुहारी मात्र भएका कारण उनी खाना डेरामै खाएर बास बस्न भने मन्दिरको आश्रम आउथे । छोरालाई पर्खिएर बसेका उनको सोमबार हत्या भएको हो ।

हत्यामा संलग्न भएको आरोपमा प्रहरीले ५० वर्षिय महानन्द मेहतालाई पक्राउ गरेको छ । हत्या आरोपमा पक्राउ परेका मेहताका दाजुको घरमा बिलका छोरा बुहारीको डेरा छ । मन्दीर परिसरमा बसीरहेको अवस्थामा एक्कासी हतियार प्रहार भएको सुनसरी प्रहरीले जनाएको छ ।

जिल्ला प्रहरी कार्यालय सुनसरीका डिएसपी ज्ञानेन्द्र फुयाल प्रारम्भिक अनुसन्धानमा हत्या गर्नुको कुनै कारण नखुलेको बताउँछन् । धार्मिक कार्यक्रमहरुमा यात्रा गरिरने यादव डेरामा छोरा नभएका कारण मन्दीरमा बास बस्दै आएका थिए । हत्यामा संलग्न भएका व्यक्तिले कुनै सिसिबिईका कारण हत्या गरेको हुन सक्ने बताउँदै उनले अनुसन्धान सुरु गरिएको बताए ।