गोपनियता संरक्षण गर्न नसक्दा फेसबुकलाई पाँच अर्ब डलर जरिवाना

विराटनगर । विश्वचर्चित सामाजिक सञ्जाल फेसबुकलाई अमेरिकाले पाँच अर्ब डलर जरिवाना तिराउने निर्णय गरेको छ । गोपनीयता संरक्षण गर्न नसकेको दाबि गर्दै अमेरिकाले पाँच अर्ब डलर जरिवाना तिराउने निर्णय गरेको हो ।

फेसबुकले मासिक करिब दुई अर्ब डलर आम्दानी गर्छ । अमेरिकी संघीय व्यापार आयोग (एफटीसी)ले जरिवाना तिराउने निर्णय गरेपछि फेसबुकको अढाई महिनाको आम्दानी गुमाउनेछ बीबीसीका अनुसार एफटीसीले फेसबुककालागि गरेको हाल सम्मकै ठूलो जरिवाना हो ।

एफटीसीका अध्यक्ष जो सिमोन्सले फेसबुकको गोपनीयता उल्लंघन घटाउन र गोपनीयताको संस्कृति विकास गर्न जरिवाना लगाइएको जनाएको बीबीसीले उल्लेख गरेको छ ।व्यक्तिगत गोपनीयता संरक्षण नगरेको आरोपमा फेसबुकमाथि अनेक आरोपहरु लाग्दै आएका छन् । समाचारमा जनाइए अनुसार राजनीतिक परामर्शदाता कम्पनी क्याब्रिज एनालिटिकाले ७ करोड ८० लाख फेसबुक प्रयोगकर्ताको डाटा प्राप्त गरेपछि एफटीसीले छानबिन सुरु गरेको थियो ।