म्याग्दी : गुर्जामा हिउँमा अलपत्र परेकालाई सेनाकाे टाेलीले खाद्यान्न लिएर गयाे

म्याग्दी – म्याग्दीको धवलागिरी गाउँपालिका वडा नम्बर १ गुर्जामा हिउँमा परेर अलपत्र परेकालाई नेपाली सेनाको टोलीले खाद्यान्न लगायतको सामग्री लिएर गएको छ । चार जना स्थानीयवासीलाई लिएर सेनाको हेलिकप्टर आज बिहीवार गुर्जा गएको हो ।

गुर्जामा रहेको भेडीगोठमा नै आज उनीहरू बस्ने र बेपत्ता भएका एक जनाको भोलि शुक्रवार बिहानदेखि खोजी सुरु गर्ने प्रहरीले जनाएको छ ।

हिमपातका कारण धवलागिरी गाउँपालिका वडा नम्बर १ का ५० वर्षका रामबहादुर छन्त्याल बेपत्ता हुनुहुन्छ ।  रामबहादुरसहित गोठमा बस्दै आएका जगदेवी छन्त्याल, बुद्धि छन्त्याल र लालबहादुर विक अलपत्र परेका थिए । उज्यालो