कुवेतमा स्वर्गीय पत्रकार माधव शाहीकाे प्रथम स्मृति दिवस मनाइयो

कुवेत सिटी – नेपाली जनसम्पर्क समिति कुवेतको आयोजनामा स्वर्गीय पत्रकार माधव शाहीको पुण्य तिथिमा श्रद्धाञ्जलि सभा मनाइएको हो। कुवेतमा कर्मथलो बनाएर काम गर्दै आएका शाहीको गत वर्ष मृत्यु भएको थियो।

रोजगारीको सिलसिलामा कुवेतमा कार्यरत साथै नेपाली समाजका एक अभियान्ता पत्रकार शाहीको गत साल हृदयघातको कारण मृत्यु भएको थियो। उनको आत्माको चिर शान्तिको कामना गर्दै नेपाली जनसंपर्क समिति कुवेतले हिजो श्रध्दाञ्जली सभा कार्यक्रमको आयोजना गरेकाे हो।

नेपाली दुतावास कुवेत, नेपाल पत्रकार महासंघ कुवेत र कुवेतमा क्रियाशील संघसंस्थाका प्रतिनिधीको उपस्थिति थियो।

समितिको सभापति राजेन्द्र बिराहीको सभापतित्वमा प्रमुख अतिथि नेपाली दुताबास कुवेतका राजदुत दुर्गाप्रसाद भण्डारीकाे प्रमुख आथित्यमा रहेको थियो भने बिशेष अतिथिमा एनआरएनए एनसीसी कुवेतका आईसीसी सदस्य हरि लावती, नेपाल पत्रकार माहासंघ शाखा कुवेतका उपाध्यक्ष राज मल्ल तथा कुवेतमा क्रियाशील संघ-संस्थाका प्रतिनिधीहरुको सहभागीता थियो।

श्रद्धाञ्जली सभाको कार्यक्रम सञ्चालन नेपाली जनसंपर्क समिति कुवेतका महामन्त्री केशर घलान तामाङले गरेका थिए भने, श्रद्धाञ्जलि सभामा उपस्थित सबै महानुभावहरुलाई स्वागत मन्तव्य स्वयं केशर घलान तामाङले दिएका थिए। श्रद्धाञ्जली सभा, राष्ट्रिय गानबाट शुरुवात गरि स्वर्गीय पत्रकार माधव शाहीको सम्झनामा १ मिनेट मौनधारण गरिएको थियो।

उक्त श्रद्धाञ्जली सभालाई नेपाली दुताबास कुवेतका महामहिम राजदूत दुर्गाप्रसाद भण्डारी, नेपाल पत्रकार महासङ्घ कुवेतका उपाध्यक्ष राज मल्ल र कुवेतमा क्रियाशील संघ-संस्थाका प्रतिनिधीहरुले सम्बोधन गरेका थिए।

श्रद्धाञ्जली सभालाई सम्बोधन गर्ने क्रममा स्वर्गीय पत्रकार शाहीको दाजू इरन्दर शाहीले शोकसभामा भावुक हुँदै स्वर्गीय माधव शाहीकाे बारेमा सम्बोधन गरे।

श्रद्धाञ्जली सभाकाे अन्तमा नेपाली जनसंपर्क समिति कुबेतका सभापति राजेन्द्र बिराहीले अाफनो भनाई राख्दै कार्यक्रम सम्पन्न गरिएको थियो।