थियरी हेनरीले फुटबल विश्लेषकको काम छोडे

काठमाडौँ, १ साउन । पुर्व फ्रान्सका स्टार खेलाडी थियरी हेनरीले स्काइ टेलिभिजनमा गर्दै आइरहेको फुटबल पण्डितको काम छोडेका छन् ।उनले आफु सफल प्रशिक्षक बन्नका लागि उक्त काम छोडेको बताएका छन् ।सन् २०१४ को डिसेम्बरबाट फुटबल खेलबाट सन्यास लिएपछि उनी स्काइ टेलिभिजनसँग आवद्ध भएका थिए । त्यसपछि उनी बेल्जियम राष्ट्रिय टोलीको सहायक प्रक्षिकको जिम्मेवारी सम्हालिरहेका छन् ।

रसियमा सम्पन्न विश्वकपमा बेल्जियमले तेस्रो स्थानमा चित्त बुझाएको थियो । सहायक प्रशिक्षकको भुमिकामा सफल उनले आफुलाई थप परिस्कृत बनाउन फुटबल पण्डितको काम छोडेको बताएका छन् ।उनले भनेका छन्, ‘मलाई यो भनिरहँदा दुःख लागिरहेको छ । मैले मैदानमा बढी ध्यान दिन स्काइ स्पोट्र्ससँगको सहकार्य छोडेको छु ।’उनी पछिल्लो चार वर्षदेखि फुटबल विश्लेषकका रुपमा काम गर्दै आइरहेका थिए ।