हाईड्रोको ३ करोडको यो आईपीओ निष्काशनबारे थाहा पाईराख्नुहोस्

काठमाडौं, साउन । सयपत्री हाइड्रोपावर लिमिटेडले प्रतिकिक्ता १०० रुपैंया अंकित ३ लाख कित्ता अर्थात् ३ करोड रुपैयाँ बराबरको साधारण सेयर (आइपीओ) निश्काशन गर्ने भएको छ । कम्पनीले बाग्लुङ जिल्लाका आयोजना प्रभावित स्थानीय बासिन्दाका लागि आर्इपीओ निष्काशन गर्ने भन्दै नेपाल धितोपत्र बोर्डमा निवेदन गरेको छ ।

कम्पनीको पहिलो साधारण सभाले आयोजना प्रभावित र सर्वसाधारणलाई गरि ९ करोड रुपैयाँ बराबरको ९ लाख कित्ता आइपीओ जारी गर्ने प्रस्ताव पारित गरेको थियो । कम्पनीले सुरुमा आयोजना प्रभावित क्षेत्र बाग्लुङ्गका बासिन्दाहरुका लागि १० प्रतिशतले हुन आउने ३ लाख कित्ता सेयर निष्काशन गर्नेछ त्यसपछि २० प्रतिशतले हुन आउने ६ लाख कित्ता सेयर सर्वसाधारणलाई निष्काशन गर्ने कम्पनीले जनाएको छ ।